ચૂંટણી આયોગે ઉત્તર પ્રદેશ અને બિહારમાં રાજ્યસભાની બે બેઠકો માટે ચૂંટણીની તારીખોનું એલાન કર્યું છે. બન્ને રાજ્યોની એક-એક સીટ માટે 16 ઑક્ટોબરના રોજ ચૂંટણી થશે. બીજેપીના વરિષ્ઠ નેતા તેમજ પૂર્વ નાણા મંત્રી અરુણ જેટલી તેમજ પૂર્વ કેન્દ્રીય મંત્રી રામ જેઠમલાનીના નિધનને કારણે આ બન્ને બેઠકો ખાલી પડી છે. જણાવી દઇએ કે રામ જેઠમલાની રાષ્ટ્રીય જનતા દળ કોટાથી રાજ્યસભા સદસ્ય હતા.
અરુણ જેટલી યૂપીથી રાજ્યસભા પહોંચ્યા હતા
જણાવી દઇએ કે 2018માં બીજેપીએ પોતાના 7 કેન્દ્રીય મંત્રીઓ સહિત 8 લોકોને રાજ્યસભાની ટિકિટ આપી હતી. જેમાં અરુણ જેટલી, યૂપીથી રાજ્યસભા પહોંચ્યા હતા. 24 ઑગસ્ટ 2019ના રોજ લાંબી બિમારી બાદ દિલ્હીની એમ્સ હોસ્પિટલમાં જેટલીનું નિધન થયું હતું. ત્યારબાદથી આ બેઠક ખાલી છે.
બિહારથી રાજ્યસભા પહોંચ્યા હતા જેઠમલાની
પૂર્વ પ્રધાનમંત્રી અટલ બિહારી વાજપેઇની સરકારમાં કાનૂન મંત્રી રહી ચૂકેલા રામ જેઠમલાની આરજેડી તરફથી બિહારથી રાજ્યસભા પહોંચ્યા હતા. આ જ વર્ષે 8 સપ્ટેમ્બરના રોજ જેઠમલાનીનું નિધન થયું હતું અને ત્યારબાદ એ બેઠક ખાલી છે.
