વન નેશન, વન લેંગ્વેજનો હવે દક્ષિણ અભિનેતા રજનીકાંતે વિરોધ કર્યો છે. રજનીકાંતે કહ્યું કે હિંદી ભાષાને થોપવી ના જોઇએ. માત્ર તામિલનાડુ નહીં પરંતુ દક્ષિણનું કોઇ રાજ્ય હિંદીનો સ્વીકાર નહીં કરે. માત્ર હિંદી જ નહીં. પરંતુ કોઇપણ ભાષાને થોપવી ના જોઇએ.
નોંધનીય છે કે થોડાક સમય પહેલા કેન્દ્રીય ગૃહમંત્રી અમિત શાહ દ્વારા હિંદી દિવસ પર હિંદીના મહત્તમ ઉપયોગ માટેની પહેલ કરાઇ હતી, પરંતુ તેના આ નિવેદન પર અનેક જગ્યાએ વિરોધનો સુર પણ વ્યક્ત કરાયો હતો જેમાં ખાસ કરીને દક્ષિણ ભારતમાં તેનો વધુ વિરોધ કરાયો હતો.
